சிம்புவுடன் ‘சரவணா’, சரத்குமார் ‘வைத்தீஸ்வரன்’ உட்பட பல படங்களில் நடித்தவர் இந்தி நடிகை மேக்னா நாயுடு. இவரும் இந்தி நடிகர் குஷால் பஞ்சாபியும் கடந்த சில மாதங்களாக காதலித்து வந்தனர். இதை கேட்டதும் இருவருமே மறுத்து வந்தனர். இந்நிலையில் இரு வீட்டு பெற்றோர் சம்மதத்துடன் திருமணம் செய்ய முடிவு செய்தனர்.

கடந்த சில நாட்களுக்கு முன் மும்பையில் ரகசியமாக நிச்சயதார்த்தம் செய்துகொண்டனர். இதில் நெருங்கிய நண்பர்கள் மற்றும் உறவினர்கள் மட்டுமே கலந்துகொண்டனர். இவர்கள் திருமணம் அடுத்த வருடம் பிப்ரவரி மாதம் மும்பையில் நடக்கிறது.

இதுகுறித்து மேக்னா தரப்பில் விசாரித்தபோது, ‘‘குஷால், மேக்னாவும் நடனத்தை காதலிப்பவர்கள். இருவரும் பல முறை வெளிநாடுகளில் நடன நிகழ்ச்சியில் கலந்துகொண்டனர்.

அப்போது திருமணம் செய்ய விரும்புவதாக குஷால், மேக்னாவிடம் கூறினார். சில மாதங்கள் கழித்து மேக்னாவும் சம்மதித்தார். இருவீட்டு பெற்றோர்களும் சம்மதித்ததை அடுத்து நிச்சயதார்த்தம் நடந்தது’’ என்று கூறினர்.